രണ്ട് പെണ്കുട്ടികള്. രണ്ടു സഹോദര രാജ്യങ്ങളുടെ ഭാവിതലമുറയിലെ പ്രതിനിധികളാകേണ്ടവര് എന്നിട്ടും ആരാണിവരെ ഈ വിധമാക്കിയത്?
ഈ കുട്ടികളെ കുറ്റം പറയാന് നമുക്കാവില്ല. ഭവിഷ്യത്തുകള് ആലോചിക്കാതെ, ഹൃദിസ്ഥമാക്കിയ ഒരു എക്സ്റമ്പോര് പ്രസംഗത്തിന്റെ ലഹരി നുണയുകയാണ് ആ പാവങ്ങള്. എങ്കിലും അവരില് ആ കൊടുംവിഷം കുത്തിവെച്ച സര്പ്പങ്ങളെ നമ്മള് തിരിച്ചറിയുകതന്നെ വേണം. നമ്മുടെ കുട്ടികളെയും, അവരുടെ വരും തലമുറയെയുമാണ് അവര് ചോരയില് മുക്കിത്താഴ്ത്താന് നോക്കുന്നത്. നൂറ്റിച്ചില്ല്വാനം ആളുകളെ ചാമ്പലാക്കാനാണവര് കച്ചമുറുക്കിയിരിക്കുന്നത്.
ആനന്ദിന്റെ ഡോക്യുമെന്ററിയില് ലാഹോറിലെ പെണ്കുട്ടി തന്റെ തെറ്റു തിരിച്ചറിയുന്നതായി കാണുന്നുണ്ട്. എക്സ്റമ്പോര് പ്രസംഗത്തിന്റെ ലഹരിയൊടുങ്ങുമ്പോള്, അല്ലെങ്കില്, വിവേകബുദ്ധികളുമായി സംവദിക്കാനാവുമ്പോള് നമ്മുടെ ആ പെണ്കുട്ടിയും അവളുടെ തെറ്റു തിരിച്ചറിഞ്ഞേക്കാം. എങ്കിലും കുട്ടികളുടെ ഇത്തരം തിരിച്ചറിവുകള് താത്ക്കാലികമാണെന്നും, ഈ ഇളം മനസ്സുകളെ വിഷലിപ്തമാക്കുന്ന പ്രത്യയശാസ്ത്രങ്ങള് നാള്ക്കുനാള് ശക്തിപ്രാപിക്കുകയാണെന്നുമുള്ള ബോധം നമ്മെ കയ്യൊഴിയരുത്.
Posts
രണ്ടു പെണ്കുട്ടികള്